Dictum 7

General Bibliography for the Dicta Collection

Manuscript Source: Oxford, Bodleian Library MS Bodley 798 (SC 2656), fols. 8rb - 8va.

INC: Quinque sensus porte sunt per quas intrat mors, ut dicit Ieremias.

EXPL: Est et quartus adhuc venerabilior populus, scilicet in ipsis speciebus sensibilibus vestigia creatorum, cui si obvia fuerit sciencia speculativa, eum introducit, celebratque canticum laudis et exultacionis.

Quomodo quinque sensus sunt porte, et qui populi ingrediuntur per illas

fols. 8rb - 8va: Quinque sensus porte sunt per quas intrat mors, ut dicit Ieremias. Mors intravit per fenestras vestras aulam. Aula ad quam ducunt hee porte latitudo memorie est, que rerum omnium capax est. Populus intrans per has portas sunt species rerum sensibilium. Contra hunc populum intrantem egreditur vivacitas sensuum, et intrantem populum excipit et introducit in communem sensum, quasi in vestibulum ante ostium, ubi ostiarius, quasi fanthasia, hunc populum excipit et in aulam memorie introducit.

fol. 8va: Cum populo hoc intrante importune et imprudenter sepe se ingerit inimica et meretricalis turba illicebrarum rerum sensibilium, quam obvia excipit libido sensuum, et cum introducta fornicatur et fornicando moritur.

fol. 8va: Est alius populus verecundus qui ad has portas venit, scilicet utilitates rerum sensibilium, cui si [sibi MS] obvia sit sciencia huius vite regende, eum introducit, et cum hoc populo consilium iniit. Est et quartus adhuc venerabilior populus, scilicet in ipsis speciebus sensibilibus vestigia creatorum, cui si obvia fuerit sciencia speculativa, eum introducit, celebratque canticum laudis et exultacionis.